ബോംബെ രവി
യൂസഫലി കേച്ചേരി
കെ ജെ യേശുദാസ്
സർഗം
പ്രവാഹമേ... ഗംഗാപ്രവാഹമേ...
സ്വരരാഗഗംഗാപ്രവാഹമേ
സ്വർഗ്ഗീയ സായൂജ്യസാരമേ
നിൻ സ്നേഹഭിക്ഷക്കായ്
നീറിനിൽക്കും തുളസീദളമാണു ഞാൻ,
കൃഷ്ണ- തുളസീദളമാണു ഞാൻ... (സ്വരരാഗ...)
നിന്നെയുമെന്നെയുമൊന്നിച്ചിണക്കി
നിരുപമനാദത്തിൻ ലോലതന്തു
നിൻ ഹാസരശ്മിയിൽ മാണിക്യമായ് മാറി
ഞാനെന്ന നീഹാരബിന്ദു.... (സ്വരരാഗ...)
ആത്മാവിൽ നിൻ രാഗസ്പന്ദനമില്ലെങ്കിൽ
ഈ വിശ്വം ചേതനാശൂന്യമല്ലോ..
എൻ വഴിത്താരയിൽ ദീപം കൊളുത്തുവാൻ
നീ ചൂടും കോടീരമില്ലേ.... (സ്വരരാഗ...)
No comments:
Post a Comment